SLF खबर
काठमाडौँ , ५ माघ /
सरकारले कोरोना परिक्षण शुल्क घटाएको छ । स्वास्थ्य तथा जनसंख्या मन्त्रालयका अनुसार सरकारी प्रयोगशालामा ८ सय शुल्क निर्धारण गरिएको छ भने निजी प्रयोगशालामा एक हजार पाँच सय शुल्क लिने आदेश गरिएको छ ।
यस भन्दा पहिला पीसीआर परिक्षणका लागि सरकारी प्रयोगशालामा एक हजार र निजी प्रयोगशालामा २ हजार रुपैया निर्धारण गरेको थियो ।
पीसीआर शुल्क घटाउनको लागि संसदको शिक्षा तथा स्वास्थ्य समितिले बिरोध जनाउदै शुल्क घटाउन निर्देशन दिएका थिए । पीसीआर को शुल्क घटेको जानकारी स्वास्थ्य मन्त्रालयका सह–प्रवत्ता डा.समीरकुमार अधिकारीले बताएका हुन ।
