SLF KHABAR
रसुवागढी बाढीबाट प्रभावित पीडितहरूको राहत तथा पुनःस्थापनाका लागि शिवम् सिमेन्ट लिमिटेडका कर्मचारीहरूले रु ५ लाख ५० हजार सहयोग गरेका छन्।
२०८३ भदौ २६ गते उक्त रकम प्रमुख जिल्ला अधिकारी (सीडीओ) मार्फत प्रधानमन्त्री दैवी प्रकोप उद्धार कोषमा जम्मा गर्ने गरी हस्तान्तरण गरिएको हो।
यसअघि नै शिवम् होल्डिङ्सले रसुवागढी बाढीपीडितका लागि रु २१ लाख नगद तथा ११ हजार बोरा ओपीसी सिमेन्ट सहयोग गरिसकेको छ। पछिल्लो रु ५ लाख ५० हजारको सहयोग भने शिवम् सिमेन्टका कर्मचारीहरूको व्यक्तिगत योगदानबाट संकलन गरिएको रकम हो।
शिवम् सिमेन्टका मानव संसाधन (एचआर) प्रबन्धक मधुकर ठाकुरका अनुसार विपद्को कठिन घडीमा पीडितहरूलाई सहयोग पुर्याउने उद्देश्यले कर्मचारीहरूले स्वेच्छिक रूपमा उक्त रकम संकलन गरेका हुन्।
