युवा संघ नेपालका अध्यक्ष क्षितिज थेबेले मेयर शाहले लेखेको स्टाटस राष्ट्रको स्वाधीनतामाथि नै प्रश्न उठाउने खालको रहेको आरोप लगाउँदै त्यसका लागि कानुनी कारबाही आवश्यक भएको बताए। शनिबार मध्यराति बालेनले सामाजिक सञ्जालमा आपत्तिजनक तथा अश्लील शब्दसहित चीन, भारत, अमेरिका र नेपालका प्रमुख राजनीतिक दलहरूको नाम उल्लेख गर्दै स्टाटस लेखेका थिए।

स्टाटस लेखेको केहीबेरमै चर्को आलोचना सुरु भएपछि उनले पोस्ट हटाए पनि त्यसको स्क्रिनशट सामाजिक सञ्जालभरि भाइरल बनेको थियो। यही विषयलाई लिएर युवा संघका उपाध्यक्ष महराज गुरुङसहितका नेताहरूले राजधानीको मेयरजस्तो जिम्मेवार पदमा बसेको व्यक्तिले मित्रराष्ट्र र दलहरूलाई अपमानजनक शब्द प्रयोग गर्नु गम्भीर विषय भएको भन्दै कडा कारबाहीको माग गरेका छन्।