रोशन गुप्ता
काठमाडौँ, २९ बैशाख
कोरियाको हुण्डाई मोटर्सले नेपालमा भेहिकल एसेम्बल अपरेशन सुरु गरेको छ । नेपालका लागि हुन्डाई गाडीको आधिकारिक वितरक लक्ष्मी ग्रुपले नवलपरासीको रामग्राममा आधुनिक एसेम्बली प्लान्टको उद्घाटन गरेको छ ।
हुन्डाई मोटर्सएसेम्ब्ली प्लान्टको शुक्रबार एक समारोहका बीच प्रधानमन्त्री पुष्पकमल दाहाल “प्रचण्ड” ले उद्घाटन गरेका हुन । प्रधानमन्त्री दाहालले मुलुकमा सवारी सवारीसाधनको सुरुवातले औद्योगिक वातावरण निर्माण भएको उल्लेख गर्दै मुलुकको अटोमोबाइल औद्योगीकरणमा हुन्डाई नेपालले पु¥याएको योगदान मार्फत स्वदेशी तथा विदेशी लगानीकर्ता लाई नेपालमा आकर्षित गर्ने विश्वास व्यक्त गर्नुभयो ।
प्रधानमन्त्री दाहालले सवारी सभा मार्फत सयौं दक्ष र अर्धदक्ष कामदारका लागि रोजगारीको सम्भावना रहेको बताउनुभयो । उनले स्थानीय विकास, सवारी उत्पादन र आन्तरिक स्रोत र विद्युत्को उपयोगमा सकारात्मक प्रभाव पर्नेमा जोड दिँदै सहुलियत मूल्यमा सवारी साधन उपलब्ध हुँदा उपभोक्ता लाभान्वित हुने विश्वास व्यक्त गरे ।
एसेम्बली प्लान्टको प्रारम्भिक उत्पादन चरणले कम्प्याक्ट एसयूभी “भेन्यु” प्राप्त गरेको छ, जुन अहिले बिक्रीका लागि उपलब्ध छ । लक्ष्मी ग्रुपका कार्यकारी निर्देशक नीराकर श्रेष्ठले ग्रान्ड इटेन मोडल असोजमा र क्रेटा मोडलको एसेम्बली आगामी पुससम्ममा गर्ने योजना सार्वजनिक गरे । सन २०२४ को अन्त्य सम्ममा हुन्डाईका तीन वटा मोडल स्वदेशमै एसेम्बल गरिने र यसले ५०० जनालाई रोजगारीको अवसर प्रदान गर्ने श्रेष्ठको अनुमान छ ।
विद्यमान उद्योगहरू मन्दीका कारण बन्द भइरहेका बेला लक्ष्मी मोटर कर्पोरेसनले एसेम्ब्ली उद्योगमा गरेको पर्याप्त लगानीलाई निराशाका बीच आशाको किरणको रूपमा हेरिएको छ, जसले आशावादको वातावरण लाई बढावा दिएको छ ।
