पार्टीलाई पूर्ण रूपमा डिजिटल बनाउने अभियानअन्तर्गत विकसित गरिएको यो प्रणालीबारे सांसदहरूलाई जानकारी दिन र साइबर सुरक्षासम्बन्धी सचेतना फैलाउन रास्वपाले सिंहदरबारस्थित कार्यालयमा अभिमुखीकरण कार्यक्रम आयोजना गरेको छ।

नयाँ प्रणाली लागू भएसँगै सांसदहरूले संसद् बैठकपछि आफ्ना गतिविधि अनिवार्य रूपमा सिस्टममा अद्यावधिक गर्नुपर्नेछ। साथै, भेटघाटका लागि समय व्यवस्थापन, संसद्मा उठाइने विषय, निर्वाचन क्षेत्रका भ्रमण तथा नागरिकसँग भएका अन्तरक्रियाको विवरण पनि यही प्रणालीमार्फत राख्नुपर्ने व्यवस्था गरिएको छ।