रोशन गुप्ता
बारा, २५ भदौ /
जितपुरसिमरा उपमहानगरपालिकाले सार्वजनिक संस्थान तथा निजी क्षेत्रका महिला कर्मचारी तथा पदाधिकारीलाई दर खान हार्दिक निमन्त्रणा गरेको छ । जीतपुरसिमरा उपमहानगरपालिकाका उपप्रमुख भोलाप्रसाद अधिकारीले बुधबार लेखेको पत्रमा सार्वजनिक वा निजी संस्थामा आबद्ध भए पनि उपमहानगरपालिकाभित्र कार्यरत सम्पूर्ण महिला कर्मचारीलाई यस कार्यक्रममा सहभागी हुन हार्दिक निमन्त्रणा गरिएको छ ।
यद्यपि, सार्वजनिक बिदा लागू नभएको अवस्थामा सामुदायिक विद्यालयका महिला शिक्षकले कक्षाकोठाको काम लाई निरन्तरता दिने कि पालिकाको निर्देशन अनुसार दर खाने कार्यक्रममा भाग लिने भन्ने प्रश्न खडा हुन्छ । थुप्रै महिला शिक्षकहरू अनुपस्थित भएको दिन प्रभावकारी रूपमा कक्षा सञ्चालन गर्नु एउटा उल्लेखनीय चुनौती हो । नगरपालिकाले सार्वजनिक गरेको पत्रअनुसार बिहान १० बजेदेखि अपराह्न ४ बजेसम्म दर खाने हुने भएको छ ।
