रोशन गुप्ता
बारा, ६ असोज
सर्लाहीको मलङ्गवामा भएको घटनाको विरोधमा वीरगञ्जको बजार शनिबार बन्द गरिएको छ । दोषीलाई कारवाहीको माग गर्दै हिन्दू समाज वीरगञ्जले सोही दिन वीरगञ्ज बजार बन्द गर्न थालेको थियो ।
बन्दको समयमा वीरगञ्जका बजारहरु पुर्णरुपमा बन्द भएको थियो र यसको असर मुख्यतया केन्द्रीय बजार क्षेत्रमा देखिएको थियो । यसको विपरीत, भित्री क्षेत्रहरू धेरै हदसम्म अप्रभावित रहे, र सवारी साधनहरूको यातायात सहज रूपमा प्रवाह जारी रह्यो।
बन्द कार्यक्रमको सफलता सुनिश्चित गर्न समाजका युवा सदस्यहरूले आफ्नो विरोध जनाउन शहरका विभिन्न स्थानहरूमा टायर बालेर विरोध जनाएका थिए । घण्टाघर चोकमा टायर बाल्दा प्रहरी र प्रदर्शनकारी बीच सामान्य झडप भएको थियो । भीडलाई तितरबितर पार्न प्रहरीले लाठीचार्ज गरेको थियो ।
यस अघि वीरगञ्जको ठाकुरराम बहुमुखी क्याम्पसबाट शान्तिपूर्ण जुलुस निकालिएको थियो ।
बिहीबार साँझ सर्लाहीको मलंगवामा भगवान गणेशको मूर्ति सेलाउने क्रममा दुई समूहबीच झडप भएको थियो । झडपका क्रममा स्थानीय रुपेश यादव गम्भीर घाइते भएका छन । उनको अहिले वीरगञ्जको एक निजी अस्पतालमा उपचार भइरहेको छ ।
