रोशन गुप्ता
पर्सा, १९ असोज
वीरगञ्ज महानगरपालिका–१ छपकैयामा धारिलो हतियार प्रहारबाट एक महिलाको मृत्यु भएको छ । मृत्यु हुनेमा ४५ वर्षीया पुनमदेवी सराफ रहेकी छिन । भारत घरभई उनी लामो समयदेखि वीरगञ्जमा बस्दै आएकी थिइन ।
पर्साका एसपी कोमलविक्रम शाहका अनुसार पुनम आज बिहान आफ्नै निवासमा मृत फेला परेकी हुन । नेसनल मेडिकल कलेजमा उपचार गराउने क्रममा उनको दुःखद मृत्यु भयो । उनको टाउकोमा धारिलो हतियारप्रहार गरिएको अनुसन्धानबाट खुलेको छ ।
एसपी शाहका अनुसार व्यावसायिक ब्युटिसियन पुनम केही समयदेखि वीरगन्जमा एक्लै बस्दै आएकी थिइन । उनको परिवारको अवस्थाका बारेमा विस्तृत विवरण अज्ञात रहेको र अधिकारीहरूले यस जघन्य अपराधका लागि जिम्मेवार व्यक्तिहरूको सक्रिय खोजी गरिरहेको शाहले बताए ।
