उनले तामाङलाई सो स्टाटसमा मेन्सन पनि गरेका छन्।
पौडेलका अनुसार नगर अस्पताल अझै निर्माणको क्रममा रहेको छ। हाल अस्थायी रूपमा पहिलेको प्राथमिक स्वास्थ्य केन्द्रको भवनबाट दैनिक करिब २०० जनालाई सेवा दिइँदै आएको जानकारी उनले दिएका छन्। सेवाग्राहीको भीड बढेपछि अस्थायी प्रतिक्षालय निर्माण गरिएको उनको भनाइ छ।
यता, आशिका तामाङले सार्वजनिक गरेको भिडियोलाई लिएर सामाजिक सञ्जालमा बहस चर्किएको छ। भिडियोमा अस्पतालको परिसरमा पानी जमिएको, सेवाग्राहीहरू लाइनमा बसेका, वरिपरि फोहोर देखिएको र कुकुर सुतिरहेको दृश्य देखिन्छ।
उनले भिडियोमा लेखेकी छन्, “नगर अस्पताल सिमरा, जहाँ लड्यो भने देखिन्छ ठूलो तारा।”
भिडियो अहिले भाइरल बनेको छ, र यो समाचार तयार पार्दासम्म १ लाख ६३ हजारभन्दा बढी पटक हेरिसकिएको छ।
