विद्यालयमा अध्ययनरत विद्यार्थीहरू नियमित रूपमा हाजिर नभएको जानकारी पाएपछि वडा अध्यक्ष अंसारी स्वयं विद्यार्थीको घरदैलोमा पुगेर अभिभावकसँग छलफल गर्ने गरेका छन्। शिक्षा सुधार केवल कागजी नीतिमा सीमित नराखी व्यवहारमै उतार्नुपर्ने उनको भनाइ छ।
वडा अध्यक्ष सुलतान अंसारीले भने, “शिक्षा नै समाज परिवर्तनको आधार हो। बालबालिका विद्यालय बाहिर रहनु हुँदैन भन्ने जिम्मेवारी जनप्रतिनिधिको पनि हो।”
उनको यस सक्रियता र प्रतिबद्धतालाई स्थानीयवासीले खुलेर प्रशंसा गरेका छन्। स्थानीयका अनुसार, “प्रतिनिधि होस् त सुलतान काकाजस्तो—कुर्सीका लागि होइन, परिवर्तनका लागि निर्वाचित।”
