रोशन गुप्ता
जीतपुर, १६ पुस
बाराको करैयामाई गाउँपालिकाले सिँचाइ चुनौतीका कारण उत्पादन घट्न नदिन कृषि सिँचाइ विद्युत महसुलमा ५० प्रतिशत अनुदान दिने घोषणा गरेको छ । नगरपालिकाका अध्यक्ष शम्भुप्रसाद यादवले अनुदानले किसानको सिँचाइ लागत घटाएर कृषि उत्पादन बढाउन सहयोग पु¥याउने लक्ष्य राखेको बताए ।
करैयामाई गाउँपालिकाका निमित्त प्रमुख प्रशासकीय अधिकृत वीरेन्द्र महतोले नगरपालिकाको नीति कार्यक्रममा आवश्यक बजेट विनियोजन भई स्थानीय किसानलाई सिँचाइमा सहयोग गर्ने योजना रहेको बताए । गाउँ विकास शाखाका प्रमुख ओमप्रकाश ठाकुरले कृषि फर्म, समूह र सहकारीले प्रयोग गर्ने सिँचाइ मिटरको अभिलेख नगरपालिकाले राखेको बताए । ५०% अनुदान यी मिटरबाट सङ्कलन शुल्कमा लागू हुन्छ ।
ठाकुरले सिँचाइ चुनौतिहरू कृषि उत्पादनमा कमी ल्याउन योगदान दिने प्रमुख कारक रहेको र यो अनुदान पहल राम्रो सिँचाइ अभ्यासलाई प्रोत्साहन गर्न, उत्पादकत्व बढाउन र किसानको लागत घटाउनको लागि गरिएको बताए।
अनुदान प्राप्त गर्नका लागि किसानले पुस २८ गतेभित्र देहायका कागजातहरू गाउँपालिकाको कार्यालयमा बुझाउनुपर्नेछः वडा कार्यालयबाट सिफारिस, नागरिकताको प्रतिलिपि, आफ्नो जग्गाको स्वामित्वको प्रमाणपत्र (लालपुरजा) र बिजुलीको रसिद , ट्यारिफ भुक्तानी, नगरपालिकाले स्थानीय बासिन्दालाई आवश्यक कागजात र अनुदान आवेदन प्रक्रियाबारे जानकारी गराउँदै सूचना जारी गरेको छ ।
