रोशन गुप्ता
बारा, २७ असोज
आज देखि जिल्ला प्रशासन कार्यालय पर्साले बुवाको पहिचान नभएका सन्तानलाई आमाको नाममा दर्ता गर्न दिने गरी नागरिकता दिने प्रक्रिया शुरु गरेको छ । कार्यालयका प्रमुख जिल्ला अधिकारी हीरालाल रेग्मीका अनुसार हालसम्म ४० जनाको दरखास्त परेको छ ।
नयाँ नागरिकता ऐन अन्तर्गतको नागरिकता नियमावली अनुसार आमाको नागरिकतामा पतिको नाम नभएका र शैक्षिक योग्यता, जन्मदर्ता र बाबुको नाम कुनै पनि आधिकारिक अभिलेखमा अभिलेख नभएका बालबालिकाका लागि आमाको नामबाट नागरिकता दिने प्रक्रिया शुरु गरिएको हो । प्रमुख जिल्ला अधिकारी रेग्मीले यही असोज २१ गतेदेखि दरखास्त सङ्कलन शुरु भएको जानकारी दिनुभयो । विस्तृत अनुसन्धानपछि योग्य व्यक्तिहरूलाई आमाको नामबाट एकमुष्ट नागरिकता प्रदान गरिनेछ ।
पर्सा जिल्लामा आमाको नामबाट नागरिकताका लागि करिब एक हजार ५०० देखि दुई हजार आवेदन परेको अधिकारीहरूले अनुमान गरेका छन ।
