आर के गुप्ता
बारा, २३ मंसिर
रौतहटको माधवनारायण नगरपालिका–७ लौकाहामा शनिबार बिहान खेत जोत्ने क्रममा करेन्ट लागेर स्थानीय किसान बैजुलाल पण्डितको मृत्यु भएको छ । दुःखको कुरा, उनीसँगै करेन्ट लागेर एउटा गोरुको पनि मृत्यु भयो।
प्रहरी निरीक्षक झलक शर्माका अनुसार लौकाहा गाउँ नजिकै खेत जोत्ने क्रममा ११ हजार भोल्टको तारले करेन्ट लागेर बैजुलाल पण्डित र गोरुको मृत्यु भएको हो । घटनाको जानकारी पाएपछि जिल्ला प्रहरी कार्यालय गौरबाट प्रहरी निरीक्षक शर्माको नेतृत्वमा खटिएको प्रहरी टोलीले घटनाको अनुसन्धान शुरु गरेको थियो । खेतमा रहेको बिजुलीको पोलबाट जिउँदो तार कसरी र कहिले खस्यो भन्ने बारे विस्तृत विवरण अस्पष्ट छ । प्रहरी निरीक्षक शर्माले भने, “विस्तृत अनुसन्धान भइरहेको छ, केही निष्कर्षमा पुगेपछि मात्र यकिन कारण पत्ता लाग्नेछ ।
