रोशन गुप्ता
बारा, ६ पौष
नेपाल प्रिमियर लिग (एनपिएल) क्रिकेटको फाइनलमा सुदूरपश्चिम रोयल्सलाई ५ विकेटले पराजित गर्दै जनकपुर बोल्ट्सले उपाधि जितेको छ ।
सुदूरपश्चिमले दिएको १८५ रनको लक्ष्य पछ्याउने क्रममा जनकपुरका लागि लाहिरु मिलनथाले ८७ रनको योगदान दिए । बोल्ट्सले चार बल बाँकी छँदै पाँच विकेट गुमाएर लक्ष्य भेट्टायो ।
एक करोड १० लाख नगद सहित ट्रफी उचालेपछि त्रिवि क्रिकेट मैदानमा दर्शकको भीड लागेको थियो । रोमाञ्चक फिनाले हेर्न कीर्तिपुरमा ठूलो भीड जम्मा भएको थियो ।
