उनका अनुसार उपमेयर डंगोल आज बिहानै विराटनगर गएकी थिइन भने प्रमुख प्रशासकीय अधिकृत गुरागाईँ पौने ४ बजेतिर कार्यालयबाट निस्किएका थिए । आक्रमणको योजना बनाउने समूहबारे उनले भने, “कुन समूह हो थाहा छैन, तर महानगरको विवादमा फाइदा लिन खोज्ने तेस्रो पक्षको संलग्नता हुनसक्छ जस्तो लाग्यो ।”

मेयर बालेन साह कार्यालय नआएको प्रवक्ताले जानकारी दिए । “एक–दुई दिन भयो देखेको छैन, देखे पनि संवाद हुँदैन,” उनले थपे ।

हालसालै मेयर बालेन र जनप्रतिनिधिहरू तथा कर्मचारीहरूबीचको सम्बन्ध तनावपूर्ण बन्दै गएको छ । नगर प्रहरी प्रमुख राजु पाण्डेलाई प्रमुख प्रशासकीय अधिकृत गुरागाईँले ६ महिनाका लागि निलम्बन गरेपछि बालेन समर्थकहरू आक्रोशित भएका र त्यसकै परिणामस्वरूप आक्रमणको योजना बनेको अनुमान गरिएको छ ।