नगर प्रमुख प्रदुमन प्रसाद चौहानको अध्यक्षतामा सम्पन्न उक्त नगर सभामा नीति तथा कार्यक्रमसहितको बजेट नगर प्रमुख र उपप्रमुखले हस्तान्तरण गरेपछि प्रमुख प्रशासकीय अधिकृत रामविनय कुमार सिंहले सभामा बजेट प्रस्तुत गरेका थिए।
बजेट अनुसार पोखरिया नगरपालिकाले संघीय सरकारबाट रु. १० करोड ५९ लाख वित्तीय समानीकरण अनुदान, रु. २० करोड २१ लाख सशर्त चालु अनुदान, रु. ५० लाख समपूरक अनुदान, रु. १ करोड १३ लाख विशेष अनुदान तथा रु. ९ करोड २८ लाख २७ हजार ४ सय ४८ राजस्व बाँडफाँड मार्फत प्राप्त गर्ने अनुमान गरिएको छ।
कार्यक्रमको उद्घाटन दीप प्रज्वलन गरेर गरिएको थियो। कार्यक्रममा वडा अध्यक्षहरू प्रमोद गिरी, केदार महतो चाई, रामप्रवेश प्रसाद चौहान, लक्ष्मण साह कानु, महेन्द्र महतो चाई, सिमानन्द प्रसाद चौहान, प्रमानन्द प्रसाद पटेल, किसोरी साह तेली, नौसाद आलम, सोनालाल साह गोढलगायतका जनप्रतिनिधि तथा कार्यपालिका सदस्यहरू, रेडक्रस सोसाइटी उपशाखा पोखरियाका सभापति भगवान प्रसाद कुर्मी, नेकपा एमाले नगर अध्यक्ष विन्ध्याचल ठाकुर, राजु साह, मिताराम प्रसाद पटेल, गोवर्धन प्रसाद यादव सहितका व्यक्तिहरूको उपस्थिति रहेको थियो।
