शुक्रबार वडा सदस्यसहित विद्यालय अनुगमनका क्रममा अध्यक्ष अंसारीले विद्यालयमा अध्ययनरत बालबालिकाको स्वास्थ्य अवस्थाबारे जानकारी लिँदै शुद्ध पानी सेवनले न केवल शरीरलाई स्वस्थ राख्ने, तर बौद्धिक विकासमा समेत सकारात्मक असर गर्ने धारणा राखे।
“गर्मीमा अत्यधिक पसिना आउँदा शरीरमा ग्लुकोजको मात्रा असन्तुलित हुन सक्छ। प्रशस्त पानी पिउनाले ग्लुकोज लेवल सन्तुलनमा रहन्छ, जसले शरीरलाई स्फूर्त राख्छ,” अध्यक्ष अंसारीले भने, “साथै, स्वच्छ पानी सेवनले रोग प्रतिरोधात्मक क्षमता बढाउनुका साथै दीर्घकालीन रूपमा आयु वृद्धि गर्नसमेत सहयोग गर्छ।”
विद्यालयका बालबालिकाहरूको पोषण, स्वास्थ्य र समग्र शैक्षिक वातावरण सुधार गर्न आवश्यक पूर्वाधारहरू स्थापनामा वडा कार्यालय लागिपरेको उनको भनाइ थियो। उनले विद्यालयमा सफा खानेपानीको सुनिश्चितता, सरसफाइ र नियमित स्वास्थ्य जाँचको संयोजनमार्फत बौद्धिक विकासलाई थप मजबुत बनाउने प्रयास भइरहेको बताए।
