रोशन गुप्ता
बारा, ७ जेष्ठ
काठमाडौँ महानगरपालिकाका प्रमुख बलेन्द्र साह “बलेन”ले सिंहदरबार लगायत राजनीतिक दलका नेताको निवास र कार्यालयबाट फोहर नउठ्ने चेतावनी दिएका छन ।
फोहर मैला उठाउने सवारी साधनका चालकलाई प्रहरीले नियन्त्रणमा लिएपछि नगरप्रमुख साहले कर्मचारीलाई रिहा नगरे सम्म फोहर नउठाउने निर्णय गरेका हुन ।
मेयर साहले फेसबुकमा लेखेका छन, “सरकारले भ्रष्टाचारीलाई पक्राउ गर्न सकेको छैन, तैपनि काठमाडौँमा फोहर उठाउने चार जना चालकलाई पक्राउ गरेको छ ।
उनले भने, “सवारी चालकलाई सम्मानका साथ रिहा नगरेसम्म सिंहदरवारलगायत सबै पार्टी कार्यालय र नेताको घरबाट फोहर संकलन गर्दैनौं ।”
उनले सामाजिक सञ्जालमा लेखेका छन, “कसैलाई पनि छोड्ने छैन ।”
