सीमामा प्रहरीको भूमिका प्रश्नवाचक

खुला सिमाना भएकोले बारा लागू औषध कारोबारको लागि सुरक्षित ट्रान्जिट प्वाइन्टमा परिणत भएको गुनासो बढ्दो छ। यसले सीमामा खटिएका प्रहरी युनिटहरूको भूमिकामाथि गम्भीर प्रश्न उठाएको छ ,के उनीहरू मूकदर्शक मात्र बनेका छन्?

केवल पक्राउ पर्याप्त छैन

विशेषज्ञहरू भन्छन्, लागू औषध नियन्त्रणको लागि व्यक्तिलाई मात्र पक्राउ गर्नु समाधान होइन। कारोबारी सञ्जालको जरासम्म पुग्न सशक्त अनुसन्धान अपरिहार्य छ।

समाधानका बहुआयामिक उपायहरू

१. सीमा कडाइ : खुला सिमानामा निगरानी बढाउनु आवश्यक छ। सुरक्षाकर्मीलाई तालिम र प्रविधिले सुसज्जित गर्नुपर्छ।

२.गुप्त सूचना संकलन: कारोबारी सञ्जाल पहिचानका लागि सूचना संकलन र विश्लेषणमा बल दिनुपर्छ।

३.जनचेतना कार्यक्रम: विद्यालय र समुदाय तहमा लागू औषधको हानिबारे सचेतना फैलाउनु आवश्यक छ।

४.पुनःस्थापना सेवा: दुव्र्यसनमा फसेकालाई परामर्श र पुनःस्थापना सेवा प्रदान गरिनुपर्छ।

५.अन्तर्राष्ट्रिय समन्वय: छिमेकी राष्ट्रहरूसँग सहकार्य गरी सीमा पार कारोबार रोक्नुपर्ने आवश्यकता छ।